BurnAware (Portable)

CD Burning အတွက် Nero ကိုပဲ အသုံးများကြတာများတယ်။ အိမ်သုံးတွေရော၊ professional ဆိုင်သုံးသူတွေရောပေါ့။ ဒါပေမယ့် nero 7 နောက်ပိုင်းက အဆင်မပြေတာတွေများလာတယ်။ Nero 7 က စလို့ essential လိုမျိုး စုံစီနဖာတွေနဲ့ Tool တွေ အများကြီးနဲ့ထွက်လာတယ်။ မလိုချင်တာတွေ တပုံကြီးပဲ။ Custom နဲ့ တင်တော့လည်း လိုချင်တဲ့ burning room နဲ့ express နှစ်ခုထဲ ဆွဲတင်ရင် error တက်ပြန်ရော။ lite လုပ်ထားတဲ့ version တွေကျပြန်တော့ Vista မှာ အဆင်မပြေဘူး။ နောက်ပိုင်း 8 နဲ့ 9 ဆိုလည်း ဒီတိုင်းပါပဲ။ portable တွေထွက်တယ်။ အဆင်မပြေပါဘူး။ Nero 9 full version က လည်း 1 Gb ကျော်တယ်။ အဲဒါနဲ့ Nero ကို စွန့်လွှတ်ပြီး အစားထိုးနိုင်မယ့် burning တစ်ခု ရှာနေတာပါ။ အခု စိတ်ကျေနပ်လောက်တဲ့ ဆော့်ဝဲလေး တစ်ခု ရလို့ အစမ်းခိုင်းမလို့ပါ။

BurnAware လို့ ခေါ်တယ်။ CD, DVD or Blu-Ray Discs တွေကို ကူးနိုင်ပါတယ်။ အသုံးပြုပုံကလည်း ရှင်းပါတယ်။ Nero ထက်ကိုလွယ်ကူပါတယ်။ portable ပါပဲ။ ဒေါင်းကြည့်လိုက်ပါ .. CD မရိုက်တတ်သေးသူတွေအတွက် သုံးနည်း နည်းနည်းပြောပေးပါ့မယ်။

Download From Mediafire (BurnAwarePortable)
Download From ifile.it (BurnAwarePortable)
အောက်ပါအတိုင်း တွေ့လိမ့်မယ်။

ဘယ်ဘက်မှာ အပိုင်းလေးပိုင်းခွဲထားတယ်။ မိမိရိုက်ချင်တဲ့ ခွေအမျိုးအစားကိုရွေးပေါ့။ CD ရိုက်မယ်ဆိုရင် CD ကို နှိပ်ထားလိုက်။ ညာဘက်မှာ သူ့ အမျိုးအစားတွေ လိုက်တွေ့မယ်။ အမျိုးအစား လေးမျိုးပေါ့။
တစ်ခုချင်း မပြောတော့ဘူးဗျာ .. လေရှည်နေမယ်။ ဖတ်ကြည့်ရင် သိပါတယ်။ Data CD တစ်ခွေရိုက်ဖို့အတွက် Create create Data CD ကိုနှိပ်မယ်။

ပြီးရင် Add Files .. ကိုနှိပ်ပြီး မိမိထည့်ချင်တဲ့ data တွေ sofrware တွေကိုထည့်မယ်။

မိမိရိုက်မယ့် ခွေအတွက် နေရာလွတ် ဘယ်လောက်ကျန်သေးတယ်ဆိုတာ ပြနေလိမ့်မယ်။ ရိုက်မယ်ဆိုရင် Burn ဆိုတဲ့ အနီဝိုင်းလေး နှိပ်ပေးရုံပဲ။

ခွေကြိုမထည့်ထားရင် ခွေတောင်းလိမ့်မယ်။ ခွေထည့်ပြီး OK နှိပ်ပေးပေါ့။

iso ရိုက်တာတော့ ပြောပြမနေတော့ဘူး။ iso burner သုံးတာနဲ့ တူတူပဲလေ။
CD to CD (ခွေတစ်ခွေကနေ နောက်တစ်ခွေ) ကူးချင်ရင်တော့ copy CD ကို နှိပ်ပါတယ်။

မိမိမှာရှိတဲ့ drive တွေ ပေါ်လာမယ်ပေါ့။ တစ်လုံးထက် ပိုရှိနေရင်တော့ တစ်ခုကို မူရင်းရွေးပြီး မူရင်းခွေထည့် ကျန်တဲ့တစ်ခုမှာ ခွေလွတ်ထည့်ပြီး burn ပေါ့။ Drive တစ်လုံးပဲ ရှိတာဆိုရင်တော့ ဒီတိုင်းသာ burn နှိပ်ပြီး မူရင်းခွေ ထည့်ပေးလိုက်။ သူ့ဘာယာယီမှတ်ထားပြီးတာနဲ့ ခွေလွတ်တောင်းလိမ့်မယ်။ ခွေအလွတ်ထပ်ထည့်ပေးပြီး OK နှိပ်ပေးပေါ့။ နားလည်မှာပါ…

Nero မှာလို speed ရွေးပေးစရာမလိုဘူး။ စက်ရဲ့အနေအထားနဲ့ ခွေရဲ့အနေအထားအလိုက် သူ့ဘာသာ အနှေးအမြန် ချိန်ပေးသွားလိမ့်မယ်။

CD+RW လိုမျိုးသုံးခဲ့ရင်တော့ Nero တို့ iso burner တို့လိုမျိုး တစ်ခါထဲ ခွေတန်းထည့်ပြီး ကူးတော့မှ သူ့ဘာသာဖြတ်ခိုင်းလို့မရဘူး။ အရင် ဖြတ်ပေးရပါတယ်။ အဲဒီအတွက် Erase CD-RW ကို နှိပ်လိုက်။ ဖြတ်မယ့် Drive ကို ပြပြီး Confirm တောင်းပါလိမ့်မယ်။

OK ပေးလိုက်ရင် အောက်ပါအတိုင်း Erase လုပ်နေတာ တွေ့ပါလိမ့်မယ်. ဘာမှသွားမနှိပ်ပဲ စောင့်ပေးလိုက်ပါ။(အထူးသဖြင့် ဒီsoftware မှာ သတိပြုစရာက plase wait ဆိုပြီး တက်နေရင် စောင့်ပေးပါ။ % တွေ တက်မလာလဲ စောင့်ပေးလိုက်ပါ။ 0% ကနေ ချက်ချင်း 90% ဖြစ်သွားလာလဲ ရှိတတ်ပါတယ်။ မရရအောင် သွားပိတ်လိုက်ရင် ခွေပျက်တတ်ပါတယ်)

DVD ရိုက်ဖို့ Blu-Ray ရိုက်ဖို့လည်း ခေါင်းစဉ်ရောအတူတူပဲ ခွေအမျိုးအစားပဲ ကွာမယ်လေ။ အဆင်ပြေမယ်ထင်ပါတယ်။


Multiburn ကတော့ စီးပွါးရေး သမားတွေအတွက် အသုံးဝင်ပါလိမ့်မယ်။ သူတို့အတွက်တော့ ပြောပြနေစရာကို မလိုလောက်ပါဘူး…

အထူးသဖြင့် အဆင်ပြေဆုံးက DVD-Video ရိုက်တာဗျ။ Nero မှာ DVD ကို ခွေရိုက်ချင်ရင် DVD ဖိုင်အမျိုးအစားဖြစ်တဲ့ VOB လိုမျိုး ဖိုင်တွေမှ ကူးလို့ရတာ။ သူ့မှာက ဗီဒီယိုဖိုင် အားလုံးအဆင်ပြေတယ်။ ကျနော်သိမ်းထားတဲ့ Mr.Bean series တွေကို ခွေနဲ့ သိမ်ထားဖို့ ကူးတာကို ပြပါ့မယ်။
Create DVD-Video ကိုနှိပ်ပါတယ်။ ပြီးရင် Add Files … ဆိုတာကိုနှိပ်ပြီး ထည့်ချင်တဲ့ ဗီဒီယိုဖိုင်ရွေးပါတယ်။ တစ်ခုရွေးလိုက်ပြီးတိုင်း မိမိရိုက်မယ့်ခွေအတွက် ဘယ်လောက်လွတ်သေးလဲ ပြနေပါတယ်။

ပြီးရင် Disc name ဆိုတဲ့နေရာမှာ ခွေအတွက် နာမည်ပေးပြီး Burn ဆိုတဲ့ အနီဝိုင်းလေး နှိပ်ပေးရုံပါပဲ။

ရိုက်ပြီးတဲ့ခွေကို ပြန်ထည့်ကြည့် windows media player နဲ့တောင် အလွယ်တကူ ဖွင့်နိုင်တာကို တွေ့ပါလိမ့်မယ်။

ကျနော်ကတော့ Nero ကို သုံးမနေတော့ဘူးဗျာ။ ဒါနဲ့ကို တော်တော်အဆင်ပြေပါတယ် ….. စမ်းကြည့်စေလိုပါတယ်